Құдайқұл ауылында дүниеге келген. Жастайынан көп қиыншылықтар көрген. Өткен өмірі туралы ешкіммен бөліспейтін тұйық адам болған. Туыстарымен де араласпайтын. Бір нәрсе сұрасаң, жауап қайтармайтын.
Ұлы Отан соғысына қатысқан. Соғыста болғанымен, ол туралы ештеңе айтпайтын. «Контузия алдым және аяғыма оқ тиді» дейтін. Ол әскери билетін жоғалтып алыпты және қайтадан тіркелуден бас тартыпты.
Бейбіт күндерде сол контузияның әсерінен кеш үйленіпті. (1960 жылы) Бозшакөл, Төртқұдық кеніштерінде жұмыс істеген. Содан кейін 1966-1985 жылдары Екібастұз ауданы Комсомол совхозында малшы-шопан болып еңбек еткен. 1980 жылы «Еңбек ардагері» медалімен марапатталған . Жұбайы Жәмила (1924- 1992) екеуі 3 бала тәрбиелеп, өсірді.
