Бектемір Мұхамедқалиұлы – 1925 жылы 12 желтоқсанда Павлодар облысы Аққулы ауданында дүниеге келген. 1943 жылдың қаңтар айында майданға шақырылады. Алғашқы дайындықтан Қазан қаласында өтіп, кейін Киевке жібереледі. Украина, Молдава, Венгрияны жау қолынан азат ету шайқастарына қатысты. Соғыстан кейін Украина, Қарпатта бес жыл қызмет атқарады. 1953 жылы туған еліне оралып, мал дәрігерінің оқуын оқып, көп жыл бойы ауыл шаруашылық саласында жұмыс атқарады. Кавалер орденімен Ұлы Отан соғысынын II дәрежелі, “ 1941-1945жж. Ұлы Отан соғысында Германияны жеңгені үшін» медалімен марапатталады. “Астана қаласының 10 жылдығына”, “Павлодар облысының 75 жылдығына”, “Ақсу қаласының 50 жылдығына” мерейтойлық медальдарымен марапатталған.
